Bota e gatimit po mban zi për Fuller Goldsmith, fituesin e “Chopped Junior” dhe “Top Chef Junior” të Food Netëork, pak ditë para ditëlindjes së tij të 18 -të.
Ylli me prejardhje nga Alabama ka vdekur nga kanceri në moshën 17 vjeçare, njoftoi të mërkurën kompania Magical Elves. “Jemi të shkatërruar pasi dëgjuam për humbjen e yllit të Top Chef Junior dhe Fuller Goldsmith”, thuhet në njoftimin e kompanisë në Instagram. “Ai ishte një kuzhinier i jashtëzakonshëm dhe fëmija më i fortë që ne kemi takuar ndonjëherë. Që nga momenti kur u prezantua, e dinim se ai do të kishte ndikim tek të gjithë rreth tij dhe do të ishte një forcë pozitive në botën e gatimit. Goldsmith ishte një student në Tuscaloosa Academy dhe luftoi me leukeminë që në moshën katër vjeçe.
Në 2018, kuzhinieri i famshëm dhe heroi personal i Goldsmith, Guy Fieri, e befasuan atë në Festivalin e Muzikës Stagecoach. Fieri i tha kuzhinierit të ri disa fjalë inkurajuese pasi iu desh të largohej nga “Top Chef Junior” për shkak të betejës së tij shëndetësore.
