Britney Spears dëshiron që fansat të dinë se situata e familjes së saj është ende toksike - edhe pasi fitoi gjyqin javën e kaluar. Ylli i muzikës pop ndau dje në Instagram një mesazh që u drejtohej të afërmve dhe miqve që ishin bashkëpunëtorë në vendosjen e kujdestarisë së babait të saj Jamie Spears, më shumë se 13 vjet më parë.
“Kjo fotografi është gjithçka për mua! Më bën të dua të qaj… ajo po shpëton motrën e saj hyjnore! ” -mbishkroi Britney një pikturë eterike.
"Unë menddoj se nëse keni një mik që ka qenë mbyllur në një shtëpi që ndihet vërtet i vogël për muaj ... pa makinë ... pa telefon ... pa derë për privatësi dhe i duhet të punojnë rreth 10 orë në ditë, 7 ditë në javë, pa asnjë ditë pushimi… Mendoj që duhet të shkoni ta merrni mikun tuaj dhe ta nxirrni prej andej!” –shkroi ajo.
Britney gjithashtu vuri në shënjestër familjen e saj për mosveprimin e tyre ndër vite.
"Nëse jeni si familja ime që thotë gjëra të tilla si ‘më fal, je në një kujdestari’... me siguri duke menduar se jam ndryshe dhe kështu ata mund të ma punojnë”, shtoi ajo.
Këngëtarja e përfundoi postimin duke shprehur vlerësimin për avokatin e saj Mathew S. Rosengart, i cili, sipas saj e ka ndihmuar të ndryshojë jetën.
Gjatë gjyqit, Britney shprehu zemërimin që familja e saj nuk ndërhyri kurrë, duke thënë se ata "nuk bënë as gjënë më të vogël", dhe i tha gjykatëses se do të donte t'i padiste ata. Për më tepër, Britney tha se do të donte që babai i saj të akuzohej për abuzim me kujdestarinë.
Nëna e Britney-t, Lynne Spears, ka mbrojtur lirinë e vajzës së saj në gjykatë, por jo para lëvizjes #FreeBritney, të nisur në vitin 2019.
Ndërkohë, vëllai i madh i Britney-t, Bryan Spears, e quajti kujdestarinë një "gjë të madhe" për familjen e tij në një intervistë në korrik të 2020-ës. 44-vjeçari nuk preferoi ta komentonte pezullimin e kujdestarisë së Jamie-t, kur u pyet nga paparacët javën e kaluar.
Motra e saj e vogël, Jamie Lynn Spears, këmbënguli që ajo e mbështeste Britney-n në një seri videosh emocionuese në Instagram Story, në fund të qershorit.
