Elbasani u trondit mbrëmjen e djeshme nga një ekzekutim i dyfishtë me armë zjarri në dalje të qytetit. Dy persona, Ardian Çollaku dhe Lulzim Bitri, u qëllua me breshëri automatiku në rrethrrotullimin e Bradasheshit pranë një karburanti. Ata ishin duke ecur në këmbë kur një makinë ka ndaluar pranë tyre dhe ka qëlluar. Bitri dhe Çollaku, u ekzekutuan me të paktën 15 plumba dhe afër vendit të krimit policia gjeti një makinë tip “Volvo” duke u djegur, e cila besohet se i përket autorëve.
Deri më tani bëhet me dije ka shkuar në 25 numri i personave të shoqëruar në lidhje me ngjarjen. Ardian Çollaku dhe Lulzim Bitri ishin persona me precedentë të mëparshëm penalë. Çollaku ka qenë i dënuar në Itali për trafik lëndësh narkotike, por i skeduar edhe në Shqipëri për dhunë në familje dhe Bitri ishte përfshirë në një vrasje në Tetovë tre vite më parë.
