Aktori i njohur Damian Lewis ka zbuluar së fundmi se do të largohet nga seriali “Billions” pas sezonit të tij të pestë.
Përmes rrjetit të tij social, Twitter, Damian, i cili ka luajtur Bobby Axelrod, falenderoi të gjithë fansat dhe kolegët e tij."Faleminderit “Billions” faleminderit. Një kënaqësi dhe një privilegj për të luajtur Ax për 5 sezone me kastin dhe suadrën më të zgjuar, më qesharake, më të talentuar me të cilët kam punuar ndonjëherë. Do të më mungojë familja e “Billions”. Po, disa punë janë më shumë sesa thjesht një punë. ", u shpreh aktori. Lewis filmoi shumë nga episodet e tij të fundit nga distanca, nga Anglia, pas vdekjes së gruas së tij, aktores Helen McCrory në muajin prill.
