Policia e Tiranës ka arrestuar dy shtetas të mitur, të cilët u kapën në flagrancë duke shitur lëndë narkotike kanabis sativa në doza të vogla. Në pranga kanë përfunduar shtetasit E. Sh, 17 vjeç dhe K. R., 17 vjeç, të cilët u ndaluan në flagrancë në rrugën e Bogdanëve në kryeqytet duke shpërndarë lëndë narkotike për llogari të shtetasit me iniciale K. R. Ky i fundit dyshohet se është dhe organizatori i kësaj veprimtarie të paligjshme.
Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme hetimore.
