Një ngjarje e rëndë ka ndodhur ditën e sotme në Bulqizë. Një 29-vjeçar është arrestuar me akuzën e kanosjes dhe rrëmbimit ndaj një zyrtari të qytetit verilindor. Policia bën me dije se 29-vjeçari kërkonte që drejtuesi i zyrës arsimore në Bulqizë t’i rikthente familjarët në punë.
Blutë zbulojnë se shtetasi Aleksandër Koçi ka mbajtur në automjet, pa dëshirën e tij, 52-vjeçarin Kujtim Kërkuti, me detyrë përgjegjës të zyrës arsimore.Materialet procedurale i kaluan Prokurorisë pranë Gjykatës së Shkallës së Parë Dibër, për veprat penale “Kanosja” dhe “Rrëmbimi ose mbajtja peng e personit në rrethana lehtësuese”.
