Aktori i njohur Nicolas Cage është fotografuar së fundmi duke u përzënë nga një restorant në Las Vegas pas problemeve që kishte krijuar me stafin.
Në fotot e publikuara aktori shihet i ulur këmbëzbathur në restorantin Lawry’s Prime Rib para se anëtarë të stafit ta shoqëronin përjashtë. Burimi i cili dërgoi pamjet për "The Sun" tregoi se aktori ishte në gjendje të dehur dhe nuk iu lejua hyrja në restorant.“U shokuam kur pamë që ishte Nicolas Cage. Nuk ishte fare në vete dhe nisi të konfliktohej me stafin. Ai fliste pa sens dhe ecte kembezbathur", u shpreh burimi. Pas debatit me stafin, Nicolas kishte pranuar se kishte pirë disa uiski e tekila dhe u shoqërua për në shtëpi nga një prej klientëve të barit.
