Një plagosje me armë zjarri ka ndodhur mesditën e sotme në Vlorë pranë Poliklinikës. 20-vjeçarja K.Z, studente në Vlorë, raportohet se është qëlluar me armë zjarri nga Fadil Nikaj, 30 vjeç, banues në Shkodër. Vajza ka përfunduar në spital dhe ndodhet jashtë rrezikut për jetën. Ndërkohë autori është arrestuar brenda 10 minutash dhe gjendet brenda ambienteve të komisariatit të Vlorës dhe arma pistoletë është sekuestruar.
Ngjarja ka ndodhur rreth orës 12:05, në vendin e quajtur “Bar Cacai”, lagjia “28 Nëntori”. Sakaq thuhet se të riut i ka rënë edhe një grantë nga xhepi, por që nuk ka shpërthyer, megjithatë pritet që të kryhen verifikimet.
