Zjarri në Sheqishte të Patosit është riaktivizuar gjatë natës. Zjarri nisi ditën e djeshme në një kodër me ullinj dhe përfshiu dhe fushën e mbetjeve. Aktualisht në vendin e ngjarjes ndodhen zjarrfikësit, që po punojnë për shuarjen e flakëve.
Kjo nuk është hera e parë që në qarkun e Fierit fushat e mbetjeve përfshihen nga flaket. Pas fushës së mbetjeve në Fier dhe Lushnje, edhe fusha e mbetjeve në Patos pati të njëjtin fat. Banorët e zonës janë të shqetësuar prej tymit të dëmshëm që po ngrihet në ajër.
