Një kasetë audio të këngëtarit të ndjerë, John Lennon që këndon këngë të pa publikuara gjatë qëndrimit të tij në Danimarkë në 1970 do të dalë në ankand më 28 shtator në Kopenhagen.
Lajmi u bë i ditur për mediat nga shtëpia e ankandeve Brun Rasmussen e cila tregoi se regjistrimi, i vlerësuar midis 27,000 dhe 40,000 euro, zgjat 33 minuta dhe i përket katër burrave që takuan Lennon-in si adoleshent, gjatë viteve 1969-1970 në bregun perëndimor të Danimarkës."Regjistrimi është krejtësisht unik sepse është një bisedë. Ajo u regjistrua pas një konference për shtyp, kur nxënësit e shkollave të mesme, së bashku me disa gazetarë, biseduan me Lennon, i cili këndoi disa këngë për ta, " u shpreh Brun Rasmussen për AFP.
