Shkencëtari dhe fizikanti i njohur Dr.Anthony Fauci ka reaguar së fundmi ndaj postimit të reperes Nicki Minaj.
Në një postim , reperja ka deklaruar se vaksina kundër Covid-19 ndikon negativisht në sistemet riprodhuese të meshkujve, duke dhënë një shembull të një miku të saj. Mirëpo ,kjo gjë është mohuar nga Dr.Anthony kur është pyetur nga gazetarët gjatë një konference në lidhje me ndikimin e vaksinës në sistemet riprodhuese "Përgjigja për këtë është një ‘jo’ e fortë. Nuk ka dëshmi që ndodh, as nuk ka ndonjë arsye mekanike për të imagjinuar se do të mund të ndodhte, kështu që përgjigjja e pyetjes suaj është ‘jo’", deklaroi Fauci. Kur u pyet në lidhje me postimet e bëra nga Minaj në rrjetin social Twitter, ai u shpreh se ajo duhet që të jetë më e kujdesshme me postimet që bën dhe që kanë lidhje me virusin.
