Këngëtarja Britney Spears ka fshirë llogarinë e saj në Instagram, vetëm dy ditë pasi njoftoi fejesën me partnerin Sam Asghari.
Përmes një statusi në Twitter, Britney ka treguar se dëshiron të bëjë pak pushim nga rrjetet sociale.Mos u shqetësoni miq…thjesht po marr një pushim për të festuar fejesën time. Do kthehem shpejt” ,- shkroi këngëtarja. Spears dhe Asghari janë njohur për herë të parë bashkë në xhirimet e këngës “Slumber Party” në 2016-tën dhe lidhja e tyre është forcuar akoma më shumë pavarësisht kujdestarisë së Britney-t. Sam e ka mbështetur publikisht këngëtaren, pasi New York Times publikoi dokumentarin “Framing Britney Spears”, i cili fliste për marrëdhënien e saj me të atin,Jamie që ka qenë kujdestari i saj që nga viti 2008.
