Ministrja e Infrastrukturës, Belinda Balluku ka njoftuar një sërë projektesh që priten të konkludohen por edhe disa të tjera që do të nisin në mandatin e tretë të qeverisë Rama. Sipas Ballukut, brenda 24 muajve të ardhshëm do të mbyllet Unaza e Madhe në Tiranë. Po ashtu ministrja ka njoftuar ndryshime për sa i takon portit të Durrësit dhe atij të Vlorës. Kështu, faza e parë e portit ekzistues të Durrësit do të përfshijë edhe ndërtimet me destinacion turistik por edhe marinën elitare. Porti i Vlorës do të kthehet në një port jahtësh. Ndërkohë sa i takon hekurudhës Tiranë-Durrës mësohët se punimet do të nisin në fund të shtatorit.
Porti i Vlorës është një port që ndryshon destinacionin dhe kthehet ne një port jahtesh dhe lidhet me Lungomaren. Ndërsa porti komercial do të mbulojë shërbimet e lëvizjeve tregtare dhe integruar me portin edhe peshkimin. Kemi hapur garën për aeroportin e Sarandës ndërsa aeroporti i Vlorës pritet të mbyllet brenda këtij mandati, ndërsa ai i Sarandës na rezulton që do të ketë kapacitete të rëndësishme nga prillit në tetor për lëvizjen charterave për turistët dhe do i duhet 24 muaj për ndërtim dhe parashikohet dhe ku aeroport të dorëzohen në pranverën e 2025 në përfundim të mandatit të tretë. Do nis puna për korridorin blu dhe nuk pritet të përfundojë brenda këtij mandati. Nyja e Kasharit dhe deri në Fier pretendohet të mbyllet brenda këtij mandati. duke pasur parasysh gjatësinë e madhe të këtij korridori pjesa tjetër do kërkojë kohë. Bypass i Gjirokastrës është pjesë e këtij korridori dhe më pas deri në Kakavijë. Sektori hekurudhor duke pasur dhe vëmendje të veçantë nga KE kemi arritur që të përmbyllim fazën përgatitore të projektit të parë Tiranë-Durrës, dhe jemi në një fazë përfundimtare dhe kantieri nis në fund të shtatorit për këtë hekurudhë. Jemi në një fazë të avancuar negociatash për hekurudhën Vorë-Han i Hotit", tha Balluku.
Ministrja gjithashtu ka përmendur edhe nisjen e kantierit të aeroportit të Vlorës, që pritet të fillojë në nëntor.
