Reperi G-Eazy është arrestuar pas një përleshjeje në një nga klubet në Manhattan, New York.
Emri i tij i vërtetë është Gerald Earl Gillum dhe akuza që rëndon ndaj tij është sulmi ndaj dy burrave. Pak para se të ndodhte incidenti i dhunshëm ai po festonte në një clup në zonën VIP në orët e vona të së premtes.
Debati nisi pasi njëri prej tyre kërkoi që reperi të zhvendosej në një seksion tjetër.
G-Eazy njihet për problematikat e tij. Incidenti i parafundit ka ndodhur pasi G-Eazy u dënua për sulm, posedim droge dhe rezistencë ndaj arrestimit, pas një zënke në një klub nate në 2018.
Kjo ngjare, ku reperi u arrestua erdhi një ditë pasi ai mori pjesë në MTA Video Music Awards në Barclays Center.
Kujtojmë se G-Eazy ka bashkëpunuar me reperin shqiptar Gash-in. Kënga mban titullin “My Year” që do të thotë “Viti im” dhe mendohet se është një ndër këngët më të mira që ka bërë ndonjëherë. Bashkëpunimi rezultoi i suksesshëm me 5.5 milion klikme.
Reperi i njohur G-Eazy fitoi si artisti i preferuar i Hip-Hop në 2017 në People’s choice Award.
Debutimi i tij i madh në 2014 me albumin “These Things Happen” arriti në Top3 të klasifikimit në Billboard 200.
Pritej që albumi i tij i ri “These Things Happen too”, të lançohej në 2021, por mbetet të shohim ç’do të ndodh.
