Teksa Ben Affleck dhe J.Lo po largoheshin nga Venecia pas festivalit të filmit, ata u përballën me një situatë të pazakontë pasi një fans kërkonte me ngulm të bënte selfie me dyshen.
Në fotot e publikuara nga mediat e huaja vihet re se si aktori po përballej fizikisht me të pasi u afrua me tepër seç duhej dhe përpiqej me forcë që të bënte një foto me çiftin.
Në mes të gjithë këtij kaosi, Lopez u tërhoq prapa, ndërsa ishte Ben ai i cili e largoi burrin nga partnerja e tij.
Nuk vonoi shumë dhe truproja e tyre personale e ndaloi fansin dhe e largoi nga çifti i famshëm. Pas kësaj ndodhie, Lopez dhe Affleck bashkuan duart dhe vazhduan rrugën përmes aeroportit.
Dyshja u shfaqën bashkë në tapetin e kuq të Festivalit të Filmit në Venecia dhe fotot e tyre bënë xhiron e rrjetit. Ben dhe Jennifer dukeshin mjaft të dashuruar në foto, ndërkohë që nuk munguan as përqafimet e shikimet plot pasion mes tyre.
