Bennifer 2.0 ka bërë debutimin në tapetin e kuq të Festivalit të Filmit në Venecia. Ben Affleck dhe Jennifer Lopez mbërritën së bashku në premierën e “The Last Duel” mbrëmjen e djeshme në Venecia. Kjo ishte ngjarja e parë publike ku ata u shfaqën bashkë që nga rikthimi i tyre në prill. Ata zbritën nga makina bashkë dhe Lopez u pa duke ecur pranë Affleck me krenari dhe e kapur përdore me të.
Ben luan rolin e Kontit Pierre të Alençon në dramën historike. Ai gjithashtu bashkë-shkroi filmin e drejtuar nga Ridley Scott, me mikun e vjetër dhe bashkëpunëtorin e tij Matt Damon, i cili ka qenë një fans i madh i romancës së Affleck me J.Lo. Edhe pse Lopez kishte shkuar thjesht si e dashura mbështetëse e Ben në Festivalin e Filmit të Venecias, këngëtarja e vodhi gjithë vëmendjen në një fustan të gjatë e të bardhë, nga Georges Hobeika dhe me bizhuteri luksoze nga Cartier. Affleck, nga ana tjetër, mbante veshur një kostum klasik të zi me një papion.
Ata u pritën me brohorima nga publiku dhe s’kishte si të ndodhte ndryshe.
