Kuvendi i Shqipërisë nis sot punën për legjislaturën e X të tij. Përmes 2 seancave, 1 paradite në orën 10 dhe tjetra pasdite në orën 17, pritet betimi i 140 ligjvënësve të rinj si dhe zgjedhja e kreut të ri të Kuvendit.
Ndërkohë teksa pritet të nisë seanca, një grup i vogël qytetarësh është mbledhur jashtë parlamentit. Mësohet se këta persona janë simpatizantë të ish-Kryeministrit Sali Berisha, i cili u përjashtua dje nga grupi parlamentar i PD. Ata janë mbledhur për të treguar mbështetjen e tyre ndaj liderit Berisha.
