Një 18-vjeçare shtatzënë e prekur nga COVID ka ndërruar jetë në Maqedoninë e Veriut. 18-vjeçarja nga Gjevgjelia ishte në muajin e shtatë të shtatzënisë, ndërsa bëhet e ditur se ka pasur sëmundje të rëndë të zemrës dhe sindromë të rrallë gjenetike.
Drejtori i spitalit në Gjevgjeli, Dimitar Krgjev, tha se e gjithë familja e saj ka qenë pozitiv me Covid, ndërsa vajza është hospitalizuar në gjendje të rëndë. Maqedonia e Veriut një ditë më parë regjistroi 256 raste të reja, nga 2,778 testimet e bëra për Covid-19, 31 pacientë humbën jetën me korona virus, ndërsa 545 të tjerë janë shëruar.
