Qyteti verior i Shkodrës nuk gjen qetësi. Breshëri armësh kanë tronditur sërish qytetin ku si pasojë kanë mbetur të plagosur dy persona. Ngjarja e rëndë ka ndodhur në afërsi të fshatit Mes në Shkodër, ndërsa dy të plagosurit raportohet se janë vëllezër.
Ende nuk dihen rrethanat e kësaj ngjarje të rëndë, ndërsa raportohet se dy vëllezërit e plagosur ndodhen momentalisht në Spitalin Rajonal të Shkodrës dhe po marrin mjekim. Ndërkohë policia ka shkuar në vendin e ngjarjes dhe po punon për zbardhjen e plotë të kësaj ngjarje të rëndë
