Brenda këtij viti, kopshti zoologjik do të hapë portat për të pritur vizitorë. Në një video të postuar në “Facebook”, kryeministri Edi Rama shprehet se kopshti zoologjik i kryeqytetit do të ketë kushte e atraksione krejt të reja.
Projekti për Kopshtin Zoologjik është në fazën përfundimtare të tij dhe ofron hapësira për shërbime dhe mjedise të nevojshme për vizitorët, ambiente rekreative ku mbizotërojnë hapësirat e gjelbra të shfrytëzueshme edhe për piknik. Projekti parashikon tharjen e liqeneve ekzistuese dhe krijimin e tre liqeneve të reja. Nga sipërfaqja e re e përfituar do të shtohen hapësirat në dispozicion për strehimin e kafshëve.
