Libri i shkruar për jetën e Meghan Markle dhe Princ Harry, “Finding Freedom” ka zbuluar detaje të reja nga ardhja në jetë e vajzës së tyre Lilibeth.
Lilibet Diana Mountbatten-Windsor lindi në 4 qershor të këtij viti, por Meghan zbuloi për New York Times se kishte pësuar një abort në korrik të vitit të kaluar, rreth një vit pas lindjes së djalit. Pas ngjarjes së ndodhur,Markle beson se ardhja në jetë e vajzës ishte një bekim nga Zoti.“Meghan ndjen se ishte me të vërtetë një bekim nga Zoti. Por këtë herë, ata ishin të kujdesshëm të mos i tregonin askujt. Vetëm në fund të vitit ata të dy filluan të ndiheshin më të relaksuar. Lajmi i tyre ishte sekret derisa Meghan ishte në tremujorin e dytë, duke e ndarë përfundimisht gëzimin e tyre me botën më 14 Shkurt, në të njëjtën ditë kur gazetat britanike kishin njoftuar se Diana ishte shtatzënë me Harry-n.“, tregohet në libër.
