Avokatët e këngëtares Britney Spears kanë treguar së fundmi se babai i saj Jamie Spears po përpiqet të marrë dy milionë dollarë prej saj para se ai të japë dorëheqjen si kujdestari i saj.
Ata kanë treguar se Jamie ka nevojë për paratë për të paguar avokatët dhe ish -bashkëpunëtorët e tij të biznesit, por avokati aktual i Britney, Matthew Rosengart nuk dëshiron të dorëzohet nën presion e tij."Babai i Britney Spears nuk do të marrë asgjë. Ai nuk ka të drejtë të vendosë kushte për largimin nga pozita e kujdestarit.Ai duhej të ishte tërhequr shumë kohë më parë. Do të ishte e sjellshme dhe korrekte," u shpreh Rosengart për mediat . Gjithashtu avokati deklaroi se do të kërkonte pezullimin nëse Jamie nuk jep dorëheqjen nga pozita e kujdestarit deri në fund të shtatorit të këtij viti.
