Naomi Campbell e di saktësisht se nga çfarë ka hequr dorë për të qenë supermodelja e njohur dhe e suksesshme që të gjithë e njohin sot.
Në një intervistë për The Cut, të publikuar këtë javë, ajo thotë:
"Unë do thoja se sakrifica e vërtetë është gjetja e një shpirti binjak që të kupton."
Campbell, e cila nuk është martuar kurrë, shtoi:
"Unë jam e fortë, por gjithashtu jam e ndjeshme. E di që në marrëdhënie, më duhet të bëj kompromise."
Edhe pse për momentin beqare, modelja ka patur disa lidhje publike. Në vitin 1993, ajo u fejua për pak kohë me basistin e U2, Adam Clayton. Më pas, u fejua me Flavio Briatore, një biznesmen italian, me të cilin u nda në 2002-shin, pas katër vitesh lidhje.
Naomi Campbell zbulon nga çfarë hoqi dorë, për një
NAOMI CAMPBELL FLAVIO BRIATORE BASHKU NË 1999.
Naomi ka qenë gjithashtu e lidhur me Leonardo DiCaprio, Usher dhe Robert DeNiro në të kaluarën - si dhe me ish-këngëtarin e One Direction, Liam Payne dhe reperin britanik Skepta, vitet e fundit.
Edhe pse nuk u fol kurrë për një lidhje të radhës, këtë vit supermodelja arriti një gjë që e donte gjithmonë: mëmësinë.
"Një bekim i vogël i bukur më ka zgjedhur të jem nëna e saj", shkroi ajo ndërsa njoftoi ardhjen e vajzës së saj në Instagram në maj, duke vazhduar: "Sa e nderuar që kam këtë shpirt të butë në jetën time, nuk ka fjalë për të përshkruar lidhjen e përjetshme që unë tani ndaj me ty engjëlli im. Nuk ka dashuri më të madhe."
Mbetet e panjohur se kush është babai biologjik i foshnjës së Campbell, megjithëse thuhet se ajo ka qenë në një lidhje sekrete me një të dashur amerikan për gati dy vjet, sipas The Sun. Supermodelja ende nuk e ka zbuluar emrin e vajzës së saj.
