Policia e Elbasanit ka vendosur në pranga një 29-vjeçar i cili u kap duke transportuar 10 emigrantë të paligjshëm. I riu i kishte premtuar emigrantëve, se kundrejt pagesës, do i dërgonte në një vend të BE. Ai ishte duke kaluar në autostradën Elbasan-Tiranë me mjetin e tij tip “Rang Rover”, kur u pikas nga policia. Fillimisht i riu nuk i është përgjigjur thirrjes së efektivëve dhe është larguar nga vendngjarja.
Policia ka sekuestruar në cilësinë e provës materiale mjetin, si dhe ka bërë të mundur arrestimin e të riut.
