Një aksident i rëndë në të cilin janë përfshirë 2 automjete, është shënuar paraditen e sotme në dalje të tunelit Tiranë-Elbasan. Si pasojë i këtij aksidenti kanë mbetur të lënduar 5 persona, 2 prej të cilëve janë fëmijë. Ata janë dërguar menjëherë në spital për të marrë shërbimin e nevojshëm mjekësor, ndërsa gjendja e tyre ende nuk është bërë me dije.
Përplasja e dy automjeteve ka krijuar trafik të rënduar në këtë aks rrugor, teksa ende nuk ka një njoftim zyrtar nga policia në lidhje me këtë ngjarje të rëndë.
