Policia e Shtetit ka bërë të ditur se vijon fluksi i lartë i qarkullimit të mjeteve në drejtim të zonave bregdetare apo në kthim të tyre. Njëkohësisht bëhet me dije se në 24 orët e fundit, 9 drejtues mjetesh janë arrestuar dhe më shumë se 1000 gjoba janë vendosur për shkelje të rregullave të qarkullimit.
Policia njofton se janë vendosur 261 gjoba, po ashtu për shpejtësi që varionin deri në 127 km/h, në rrugët interurbane ku shpejtësia e lejuar është 90 km/h. Po ashtu, janë vendosur 312 masa për parakalime të gabuara dhe 221 masa për përdorim të aparatit celuar gjatë drejtimit të mjetit, 233 për mos përdorim të rripit të sigurimit, 87 për mos përdorim të kaskës mbrojtëse. Blutë njoftojnë se janë pezulluar 32 leje drejtimi, për drejtim mjeti nën efektin e alkoolit që varionte nga 0.31 mg/l deri në 0.49 mg/l.
