Evenimenti "Met Gala" i cili mirëpret personazhet më të njohur nga industria e argëtimit dhe dizajnit është kritikuar së fundmi nga ndjekësit e saj.
Fansat janë zhgënjyer nga lista e të ftuarve në të cilën përfshihen edhe influencuesit e rrjeteve sociale. Pakënaqësi ka patur edhe nga publicistë të famshëm të cilët kanë deklaruar për mediat se Met Gala nuk e ka më shkëlqimin e dikurshëm duke u shndërruar nga një event prestigjioz në një vend plot me influencues. Është raportuar se në event do të marrë pjesë Addison Rae, e njohur në TikTok me më shumë se 82 milionë ndjekës, si dhe YouTuber, Emma Chamberlain, e cila ka më shumë se 10 milionë abonues.
