Sipas MeteoAlb: Dita e sotme vijon me kthjellime në pjesën më të madhe të vendit ndërsa vranësira kalimtare do të ketë në zonat malore nga mesdita deri në mbrëmje.
Temperaturat e ajrit rriten lehtë në të dy vlerat ditore, të cilat luhaten nga 16 në 34°C për zonat malore dhe nga 21 në 37°C për bregdetin dhe zonat e ulëta. Era do të fryjë e lehtë deri mesatare nga drejtimi perëndimor gjatë pjesës më të madhe të ditës, përjashtuar një forcim të përkohshëm në mesditë kur dallgëzimi në brigjet detare do të ngjitet në 3 ballë.
