6-vjeçari i cili u përplas nga furgoni në Shëngjin ka ndërruar jetë në spital. Aksidenti ndodhi mëngjesin e sotëm në qendër të Shëngjinit. I mituri ishte nga Burreli dhe kishte ardhur me familjen nga Anglia. Fëmija ka qënë i shoqëruar nga familjarët duke kaluar rrugën kur është shkëputur pak dhe është goditur nga furgoni. Për pasojë, fëmija ka marrë dëmtime dhe është transportuar në spitalin Rajonal Lezhë për të marrë trajtim shëndetësor, por nuk i ka mbijetuar dot plagëve dhe ka ndërruar jetë në spital.
Policia ka mbërritur në vendngjarje dhe ka nisur hetimet për zbardhjen e plotë.
