Dy persona janë arrestuar pasi akuzohen për zjarrvënie të qëllimshme. Policia njofton se i arrestuari i parë është një person në Maqellarë, i cili në tokën e tij ka ndezur zjarr e si pasojë zjarri ka dalë jashtë kontrollit duke djegur një sipërfaqe toke tjetër me barishte.
I arrestuari tjetër është në Lezhë, në fshatin Zejmen. Kështu në pranga ka rënë M., 67 vjeç, banues në fshatin Zejmen, Lezhë. Ai ka ndezur zjarr në afërsi të banesës së tij, për djegien e mbeturinave, e më pas zjarri ka dalë jashtë kontrollit duke djegur një sipërfaqe me barishte dhe peme në kodrën e fshatit.
Materialet procedurale i kaluan Prokurorisë për veprime të mëtejshme. Nga data 25 korrik deri sot, në të gjithë vendin janë arrestuar 19 "piromanë", nën hetim janë vënë 17 persona ndërsa janë shpallur në kërkim 5 të tjerë.
