Dy vëllezër janë shpallur në kërkim pasi kultivonin kanabis në Gramsh. Policia ka kontrolluar territorin dhe ka evidentuar bimët narkotike në zonën e pyllëzuar në fshatin Gribë.
Shërbimet e Komisariatit të Policisë Gramsh, në vijim të kontrolleve të pandërprera të territorit, me qëllim evidentimin dhe goditjen e rasteve të kultivimit të bimëve narkotike, kanë konstatuar bimë narkotike kanabis të kultivuara në një zonë të pyllëzuar në fshatin Gribë, Gramsh.
Në vijim të veprimeve, specialistët për Hetimin e Krimit në Komisariatin e Policisë Gramsh shpallën në kërkim policor shtetasit F. S., 30 vjeç dhe A. S., 27 vjeç (vëllezër), banues në fshatin Gribë, Gramsh.
Vijon puna intensive për lokalizimin dhe kapjen e tyre.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme", njofton policia.
