Në 24 orët e fundit në Kosovë nuk është regjistruar asnjë viktimë nga COVID-19. Ndërsa numri i të infektuarve prej ditsh vijon të mbetet i lartë.
Sipas të dhënave nga Ministria e Shëndetësisë sot janë konfirmuar 263 raste të reja me këtë virus.
Sakaq, 8 persona janë shëruar nga koronavirusi në 24 orët e fundit.
"#Bashkëiadalim 09 Gusht 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Nga 3.008 testime, 263 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 8 qytetarë, derisa numri i përgjithshëm i të shëruarve është 105.765.
Në total numri i rasteve aktive është 2.271", njofton IKSHPK.
