Një plagosje me armë zjarri raportohet se ka ndodhur në qytetin e Kamzës. Policia njofton se janë plagosur: shtetasi P. P., rreth 50 vjeç dhe bashkëshortja e tij shtetasja A. P., rreth 41 vjeçe, të cilët u dërguan në spital, dhe ndodhen nën kujdesin e mjekëve. Ngjarja ka ndodhur rreth orës 22:15, në rrugën “Kosova”, Kamzë, në rrethana ende të paqarta.
Grupi hetimor ndodhet në vendngjarje dhe po punon për sqarimin e rrethanave të ngjarjes, si dhe mbledhjen e çdo prove të mundshme që do çojë në identifikimin dhe kapjen e autorit.
