Një 38-vjeçar ka rënë në prangat e policisë së Tiranës, pasi shpërndante kokainë në zona të ndryshme të Tiranës. Sipas Policisë 38-vjeçari me iniciale A. G., është kapur në flagrancë duke qarkulluar me automjet, nga kontrollit i të cilit u gjet një sasi dozash me lëndë narkotike kokainë, të cilat ky shtetas ia shiste përdoruesve të ndryshëm, në zonën e Yzberishtit, Pallateve Çabej dhe Astirit, kundrejt vlerës 3500 deri në 7000 lekë të rinj për dozë.
Në operacionin e koduar “Detonatori”, gjatë kontrollit në banesën e tij, u sekuestruan 1 armë zjarri pistoletë, municion luftarak, ndezës detonatorë për granata, dy karta identifikimi policie të dyshuara të falsifikuara dhe sende të tjera të kundërligjshme.
