SPAK ka ankimuar vendimin e GJKKO për ish-Ministrin e Mbrojtjes Fatmir Mediu. Ankimi në gjykatë kundër vendimit për Mediun ështe bërë sot, ndërsa SPAK i kërkon apelit të pranojë kërkesën për gjykimin e ish ministrit.
Kujtojmë që pak ditë më parë Gjykata e Shkallës së Parë kundër Krimit dhe Korrupsionit ka rrëzuar kërkesën e SPAK për rihapjen e hetimit ndaj ish-ministrit të Mbrojtjes, Fatmir Mediu, i akuzuar si një ndër përgjegjësit e tragjedisë së Gërdecit. Gjyqtari Erjon Çela vendosi që të rrëzonte Prokurorinë e Posaçme, duke mos i hapur rrugë rihetimit të ish-ministrit.
