Disa familjarë të anëtarëve të ISIS do t’i dorëzohen qeverisë shqiptare. Kështu ka shkruar në një postim në Twitter gazetari dhe producenti i rrjetit amerikan NBC, Mahmod Shikhibra.
Sipas tij, njoftimin e ka bërë Administrata Autonome në kampin Roj në Siri. Shikhibra ka postuar edhe fotografi të disa grave dhe fëmijëve shqiptarë që ndodhen pikërisht në këtë kamp. Ndërkohë ministria e Jashtme, nuk ka dhënë asnjë detaj se çfarë po ndodh me shtetasit shqiptarë në Siri që prej riatdhesimeve të fundit.
