Ambasadorja e SHBA-së në Tiranë, Yuri Kim ka dalë në një deklaratë për mediat pas takimit me kryetarin e Partisë Demokratike, Lulzim Basha. Takimi mes palëve është mbajtur në selinë blu. Kim tha se diskutimi me kryedemokratin Basha u fokusua në marrëdhëniet e mira Shqipëri-SHBA. Ajo u shpreh roli që ka luajtur Partia Demokratike në marrëdhëniet me SHBA është i pazëvendësueshëm.
“Ndërsa PD do rikthehet në Kuvend, PS të mund të ngrihet mbi interesat e saj partiake është e rëndësishme. Dëshiroj të theksoj se ndërsa kryetarët futen në kuvend të shoqërohen nga deputetë që vërtetë e meritojnë përfaqësimin e Shqipërisë. Është e rëndësishme që PD të mendojë për këtë çështje. Dhe sikur e kam përmendur, PD ka luajtur një rol të pa zëvendësueshëm që ta nxjerrë vendin nga komunizmi”, tha Kim.
Në fund të deklaratës së saj ambasadorja ka theksuar se Partinë Demokratike e presin vendime të vështira dhe se ajo nuk mund të jetë peng i një deputeti të vetëm. Kim është shprehur se është e rëndësishme që në Kuvendin e Shqipërisë të futen të gjithë deputetët që e meritojnë këtë pozicion.
