Justin Bieber po shijon ditët e nxehta të verës së bashku me bashkëshorten e tij, Hailey Bieber. Ajo që mori vëmendjen e të gjithëve në këto momente relaksi të këngëtarit ishte një foto e tij e publikuar në “Instagram” më të cilën ngjalli dyshimet e të gjithëve.
“Mami dhe babi”, shkroi ai në foton me Hailey-n dhe rrjeti po “ziente” nga dyshimet se dyshja do të bëhen prindër për herë të parë.
Pasi ky lajm mori dhenë, Hailey vendosi që t’I jepte fund thashethemeve.
“Mendoj se duhet ta ndryshosh këtë titull në Mami dhe Babi i Qenit para se dikush ta keqkuptojë”, shkroi ajo.
Kujtojmë se dyshja u kurorëzuan me martesë në vitin 2018-të. Asokohe të dy ata ishin shumë të rinj në moshë për të marrë një vendim aq të madh për jetën, ndaj u komentuan gjerë e gjatë për këtë fakt.
Më herët, Hailey ju është përgjigjur të gjithë skeptikëve për martesën e tyre në moshë të hershme dhe ka treguar se çfarë i shtyu të dy të shkonin drejt celebrimit. Kur vendosën të martoheshin Hailey ishte vetëm 21 vjeçe, ndërsa Justin 24.
