Siç ishte parashikuar edhe më herët, miliarderi Jeff Bezos ka përfunduar me sukses një udhëtim prej 11 minutash në hapësirë.
Në një kapsulë të prodhuar nga kompania e tij 'Blue Origin' janë nisur Bezos, vëllai i tij, një adoleshent 18-vjeçar dhe dy persona të tjerë.
“Ta shohësh Tokën nga hapësira, është një gjë që ju ndryshon. Ju ndryshon marrëdhënien tuaj me këtë planet, me njerëzimin”,- tha Bezos për kanalin televiziv CBS.
Bezos ka themeluar kompaninë e tij hapësinore Blue Origin në vitin 2000, për të zhvilluar turizmin e fluturimit hapësinor.
Blue Origin pritet të nisë shitjen e biletave shpejt pas fluturimit të Bezos, por kompania nuk e ka zbuluar ende koston e një udhëtimi.
