Kohët e fundit është përfolur në media romanca e reperit Kanye West me modelen Irina Shayk.
Burime të sigurta për “Page Six” treguan se dyshja mund t'i kishte dhënë fund lidhjes pasi reperi i kërkoi modeles që të shkonte në Paris për një shfaqje mode me të, por ajo e ka refuzuar.“Irina e pëlqen atë si një mik, por nuk dëshiron një marrëdhënie me të. Ajo nuk dëshiron lajme në shtyp se mes tyre ka një romancë, gjë që do të kishte ndodhur nëse do të shkonte në Paris me të. Do të kishte pasur edhe një muaj tjetër lajme që flasin për lidhjen e tyre”, tregoi burimi. Mirëpo së fundmi, burime të afërta kanë reaguar duke mohuar aludimet dhe janë shprehur për TMZ-në se ata janë ende bashkë, ashtu siç kanë qenë për muaj të tërë.Gjithashtu burimet kanë zbuluar se cifti kanë qëndruar së bashku edhe me rastin e 4 Korrikut, Ditës së Pavarësisë së SHBA-së.
