Së fundmi “Universal Pictures” ka zbuluar se më 18 nëntor të vitit 2022, do të publikohet filmi“She Said” i cili flet për abuzimin seksual të kryer nga producenti , Harvey Weinstein.
Në qendër të filmit do të jenë dy gazetare (Carey Mulligan dhe Zoe Kazan) që bëjnë përpjekje për të mbledhur prova dhe rrëfime të grave që janë abuzuar nga producenti. "She Said" është realizuar me regji të Maria Schrader dhe me skenar të Rebecca Lenkiewicz ndërsa, producentët janë Brad Pitt, Dede Gardner dhe Jeremy Kleiner. Weinstein është dënuar me 23 vjet burg për përdhunim dhe ngacmime seksuale pasi nën emrin e tij u ngritën shumë akuza nga vajza dhe gra.
