Aktori Vin Diesel ka folur së fundmi për konfliktin e tij me Dwayne Johnson.
Në një intervistë për Men’s Health,Vin zbuloi se arsyeja që coi në debat mes dyshes ishin ndryshimet kreative mbi karakterin e Johnson.“Ishte një karakter i ashpër për t’u mishëruar, karakteri i Hobbs. Përqasja ime në atë kohë ishte ‘dashuri e ashpër’ për të ndihmuar që ajo performancë të ishte aty ku duhej. Si producent, thashë: ‘Mirë, ne do të marrim Dwayne Johnson, i cili është i lidhur me mundjen/boksin dhe do t’i tregojmë audiencës një karakter të tij në personazhin që ata nuk e njohin.Kjo kërkoi shumë punë. Ne duhej të arrinim aty ku duhej dhe në atë kohë mund të jem treguar i ashpër, por e kam bërë me dashuri. Do bëja gjithçka për t’i cuar performancat aty ku duhej”, është shprehur Diesel.Konflikti mes dy aktorëve lindi në vitin 2016-të gjatë xhirimeve të filmit The Fate of the Furios. "The Rock" ishte ai që e bëri publik këtë debat, duke u shprehur në një postim në Instagram, se disa njerëz sillen në shesh si burra të mëdhenj dhe profesionistë të vërtetë, ndërsa të tjerët jo.
