Gwen Stefani së shpejti drejt altarit

Gwen Stefani dhe partneri i saj, këngëtari Blake Shelton janë fejuar në tetor të 2020-ës, pas pesë vitesh së bashku. 51-vjeçarja e ndau vetë në Instagram këtë lajm të bukur dy ditë më parë, duke treguar se kishte marrë një propozim me unazë diamanti. “Po, të lutem”- shkroi Stefani krahas fotos ku tregonte unazën dhe i dhuronte një puthje në buzë partnerit të saj. Së fundmi është mësuar se dyshja e famshme do të martohet këtë verë. Këngëtarët e njohur kanë pritur këtë moment për shkak të masave anti-Covid. “Prej që janë fejuar, ata të dy kanë përsëritur që nuk duan të bëjnë dasmë derisa kjo të jetë e sigurt për familjarët dhe miqtë që do ta ndjekin atë. Gëeni ka thënë edhe më parë që ajo mezi po pret të martohet. Ajo ishte mërzitur shumë në fillim të këtij viti për shkak se masat kundër koronavirusit veç po shtoheshin kështu që kishte nisur të planifikonte gjithçka për në pranverë”, ka thënë një burim. Kujtojmë se para disa kohësh mediat e huaja kanë mësuar se unaza është dizenjuar posaçërisht për këngëtaren dhe se Blake është treguar shumë tradicional duke i kërkuar dorën babait të Gwen para se t’i propozonte. Sipas “Brilliant Earth” unaza ka një diamant 6 karat të vendosur në një shirit ari të bardhë. Thuhet se një unazë e tillë kushton diku tek mbi 500 mijë dollarë, në varësi të cilësisë së gurit të diamantit. Çifti u njoh në “The Voice” në vitin 2015, ku nisën një miqësi të mirë e cila përfundoi në dashuri. Gwen dhe Blake e kaluan karantinën së bashku me 3 fëmijët e këngëtares në Oklahama, ndërsa tashmë janë zhvendosur në shtëpinë e tyre të re prej 13 milion dollarësh në Los Angeles.

View this post on Instagram

A post shared by Gwen Stefani (@gwenstefani)