Dy persona janë arrestuar në flagrancë nga policia e Skraparit pasi raportohet të kenë ushtruar dhunë fizike dhe psikologjike ndaj grave të tyre.
I arrestuari L. H., 43 vjeç, ka ushtruar dhunë të vazhdueshme ndaj bashkëshortes së tij.
Gjithashtu është arrestuar edhe shtetasi me inicialet S. A., 28 vjeç, pasi u denoncuar nga bashkëshortja e tij, ndaj së cilës ushtronte dhunë në banesën ku jetonin.
Detaje nga policia:
Arrestohen në flagrancë 2 shtetas, për veprën penale “Dhuna në familje”.
Nga specialistët e Seksionit për Krimet u bë arrestimi në flagrancë i shtetasve:
L. H., 43 vjeç, banues në Poliçan, pasi në mënyrë të vazhdueshme ka dhunuar fizikisht dhe psikologjikisht bashkëshorten e tij;
S. A., 28 vjeç, banues në Skrapar, pasi në banesë ka ushtruar dhunë fizike ndaj bashkëshortes së tij.
