Kryeministri Edi Rama është takuar me homologun e tij hungarez Viktor Orban gjatë vizitës së tij në Hungari. Përmes një postimi në Facebook zoti Rama shprehet se u diskutua mbi bashkëpunimin bilateral në ekonomi, shëndetësi, arsim dhe për ecurinë e integrimit europian të Shqipërisë. Hungaria është një mbështetëse e palëkundur e Shqipërisë, thotë Rama.
"Budapest - Një ditë e veçantë pune me kryeministrin Viktor Orbán dhe delegacionet përkatëse, mbi bashkëpunimin bilateral në ekonomi, shëndetësi, arsim dhe për ecurinë e integrimit europian të Shqipërisë, ku Hungaria është historikisht një mbështetëse e palëkundur," shkruhet në postimin e kryeministrit.
Viktor Orban njihet si një nga kritikët dhe kundërshtarët më të mëdhenj të miliarderit George Soros, i cili së fundi edhe në Shqipëri shihet nga një pjesë e opozitës e mediave pranë saj si njeriu që mund të ketë gisht në vendimin e SHBA-së për shpalljen "non grata" të Sali Berishës. ©LAPSI.al
