Shoferi i kamionit që u bë shkak për shembjen e urës së Darëzezës u vu në pranga nga policia si fajtor për shkatërrimin e urës. Por rreth 3 vite më parë, kur ura u ndërtua nga Forcat e Armatosura, Ministrja e atëhershme e Mbrojtjes, Olta Xhaçka doli garant se mbi të mund të kalonin edhe mjetet e tonazhit të rëndë.
Në inaugurimin e urës, ministrja shkoi vetë për të përgëzuar ushtarakët për punën, duke vënë në dukje se objekti ishte ndërtuar në kohë rekord për 18 orë dhe duke deklaruar se aty mund të kalonin edhe mjetet e tonazhit të rëndë.
“Duke iu përgjigjur interesit të gazetarëve, ministrja Xhaçka i siguroi ata dhe banorët e Darëzezës se ura e sapondërtuar është plotësisht e sigurt dhe do të mundësojë lëvizjen e mjeteve të rënda” thuhet në njoftimin për shtyp të Ministrisë së Mbrojtjes të publikuar në dhjetor të vitit 2017.
https://www.youtube.com/watch?v=E8C4oUzvZTs
