Një vrasje me armë zjarri u shënua rreth orës 21.15 të mbrëmjes së kësaj të marte në Tepelenë. Viktima është identifikuar si Çajup Selimi, personi që shihni në foto. Ai u qëllua me pistoletë në mes të qytetit dhe më pas ndërroi jetë në spitalin Rajonal Gjirokastër.
Policia tha se po kreh zonën në përpjekje për të ndaluar autorin e vrasjes ndërsa në pikat kyçe janë ngritur postblloqe. Mediat raportojnë se autori është identifikuar dhe se po punohet për kapjen e tij.
45-vjeçari rezulton pronar i një biznesi në qytet, ndërsa ka më parë ka qenë i përfshirë edhe në disa konflikte për çështje konkurrence.
Në vitin 2018, Selimi u konfliktua me 2 persona, të cilët e goditën me mjete të forta. Familjarë të Çajupit deklaruan se ai ishte sulmuar edhe 4 herë të tjera. Për ngjarjen u ndalua Risiano Abedini, po nga Tepelena. ©LAPSI.al
