Inspektori i Lartë i Drejtësisë Artur Metani ka dorëzuar në Këshillin e Lartë Gjyqësor kërkesën për pezullim dhe shkarkim nga detyra të kryetares së gjykatës së Elbasanit, Enkeleda Kapedani. Shkak sipas tij është bërë cenimi dhe diskreditimi i figurës së magjistratit me videot e publikuara në rrjetet sociale.
Kryegjyqtarja e Elbasanit u mor nën hetim nga ILD pasi në media rrodhën disa video nga rrjeti social “Tik Tok”. Në video gjyqtarja shfaqet gjyqtarja që bën gjeste provokuese në zyrën e saj dhe në makinë. Vetë Kapedani ka deklaruar se nuk ka një profil në “TikTok” dhe se nuk ka asnjë dijeni kush i ka publikuar pamjet e saj në rrjet.
Këtë të martë kanë dalë video të tjera të gjyqtares. Gjyqtarja e re shihet teksa këndon e kërcen këngë “të fortësh” duke bërë shenjën e tërheqjes së këmzës së armës dhe në një moment ngre gishtin e mesit. ©LAPSI.al
