Zyra e Inspektorit të Lartë të Drejtësisë u njoh me materialet filmike të publikuara në media dhe rrjete sociale mbi magjistraten Enkeleda Kapedani, me funksion kryetare e Gjykatës së rrethit gjyqësor Elbasan. Inspektori i Lartë i Drejtësisë, Artur Metani ka urdhëruar nisjen e hetimit disiplinor ndaj magjistrates për rastin. Po keshtu mesohet se ILD ka dërguar një ekip të posaçëm në gjykatën e Elbasanit, ku do të fotografohet zyra dhe ambientet e gjykatës. Ky veprim do të bëhet me qëllim verifikimin nëse videot e gjyqtares janë bërë në këto ambiente.
