Në një dalje për media të anëtarëve të “Grupit për PD-në”, ish-Presidenti Bujar Nishani i kërkoi Lulzim Bashës të jetë transparent në marrëdhëniet me Sali Berishën.
A është shantazhuar Basha nga Berisha për të marrë vendime? Kjo është pyetja që ngre Nishani.
"Basha duhet të bëjë transparencën para shqiptarëve. Kjo sepse ka që më 2013, që thuhet se Basha është i trysnuar nga Berisha, dhe Basha nuk e ka përgënjeshtruar këtë gjë. Basha duhet të dalë dhe të thotë a është shantazhuar nga Berisha për të marrë vendime? Këtë gjë duhet të thotë Basha." - u shpreh mes të tjerash Nishani.
Ish-Presidenti deklaroi se kërkesa për largimin e Bashës sa vjen e rritet, për shkak se PD është pronë e anëtarësisë dhe e qytetarëve shqiptarë.
